அல்லாஹ்வின் கிருபையால் நடந்து முடிந்தது ”தீர்வைத் தேடி” நிகழ்ச்சி

அல்லாஹ்வின் மாபெரும் கிருபையால் அமீர்க கடைய நல்லூர் தமிழ்நாடு தவ்ஹீத் ஜமாஅத் சார்பாக கடையநல்லூரில் சமீப காலமாக நடந்து வரும் சமுதாய ஒழுக்கச் சீர்கேடுகளுக்கு ஒரு நிரந்தரமான தீர்வு காண வேண்டும் என்ற உயர்ந்த நோக்கில் துபாய் தமிழ்நாடு தவ்ஹீத் ஜமாஅத் தலமையான JT மர்க்கஸில் 23.07.2010 அன்று ”தீர்வைத் தேடி” நிகழ்ச்சி அமீரக கடையநல்லூர் தமிழ்நாடு தவ்ஹீத் ஜமாஅத் தலைவர் சகோ.முஹம்மது அலி அவர்கள் தலைமையில் சரியாக மாலை 5.30 மணிக்குத் துவங்கி மாலை 7:15 வரை நடைபெற்றது.இந்நிகழ்ச்சியில் மிகவும் பயங்கரமான சீதோசன நிலை வெயில் 70 டிகிரிக்கு மேல் காணப்பட்டாலும் அதை பொறுப்படுத்தாமல் ஊர் நலன் கருதி 50 க்கும் மேற்பட்ட சகோதரர்கள் கலந்து கொண்டார்கள்.

அதில் முதலில் சகோ.முஹம்மது அலி தலைமை & மற்றும் அறிமுக உரை வழங்கினார்கள்.அதன் பிறகு தமிழ்நாடு தவ்ஹீத் ஜமாஅத் அபுதாபி மண்டலச் செயலாளர் சகோ.அப்துல் ஸலாம் அவர்கள் சபை ஒழுங்கு பற்றி விளக்கிக் குர்ஆன் ஹதீஸ் அடிப்படையில் தெளிவாக விளக்கிக் கூறினார்கள். பிறகு பேசிய தமிழ்நாடு தவ்ஹீத் ஜமாஅத் துபாய் மண்டலச் செயலாளர் சகோ.முஹம்மது நாசர் MISc. அவர்கள் நமது லட்சியம் என்ற தலைப்பில் நாம் ஏன் இங்கு கூடியிருக்கிறோம் நமது இலக்கு எதுவாக இருக்க வேண்டும் என்றும் நமது முடிவை குர்ஆன் மற்றும் ஆதரப்பூர்வமான ஹதீஸின் அடிப்படையில் மட்டுமே எடுக்கப்பட வேண்டியதன் அவசியம் குறித்தும் சிறப்பாக விளக்கினார்கள்.

அதன் பிறகு தலைவர் அவர்கள் அமீரகத்தில் வசிக்காத கடையநல்லூர் சகோதரர்கள் இ-மெயில் மூலம் வழங்கிய கருத்துகளை வந்திருந்த மக்களுக்கு வாசித்துக் காண்பித்தார்கள்.பிறகு மக்களிடம் கருத்து கேட்கப் பட்டது.மக்களும் ஆர்வத்தோடு கருத்துக்களை பகிர்ந்து கொண்டனர்.

பின்னர் பொருளாளர் சகோ.முஹம்மது இஸ்ஹாக் அவர்களால் எடுக்கப் பட்ட தீர்மாணங்கள் வாசித்துக் காண்பிக்கப்பட்டது. இங்கு எடுக்கப்பட்ட தீர்மாணங்கள் இன்ஷா அல்லாஹ் கடையநல்லூரில் உள்ள அனைத்து தொழுகை பள்ளி மற்றும் ஊர் ஜமாஅத் பெரியவர்களுக்கும் முறையாக அணுப்பிவைக்கப்படும் என்றும் அக் கூட்டத்தில் தீர்மாணிக்கப்பட்டது.

இறுதியாக சகோ.அப்துல் ஸலாம் நன்றியுரை ஆற்ற தூஆ வுடன் இனிதே நிறைவுற்றது.அல்ஹம்துலில்லாஹ்.