கடையநல்லூர் கோட்ட பகுதியில் இன்று முதல் மின்தடை நேரம் மாற்றம்

கடையநல்லூர் மின்கோட்டத்தில் இன்று முதல் (23ம் தேதி) மின் தடை நேரம் சுழற்சி முறையில் மாற்றம் செய்யப்பட்டுள்ளது.



இதுகுறித்து மின்கோட்ட செயற் பொறியாளர் நடராஜன் கூறியிருப்பதாவது:- கடையநல்லூர் கோட்டத்திற்குட்பட்ட வீரசிகாமணி, கடையநல்லூர், புளியங்குடி, நாரணபுரம் மற்றும் விஸ்வநாதபேரி துணை மின் நிலையங்களிலில் இன்று (23ம் தேதி) முதல் மின்தடை நேரம் சுழற்சி முறையில் மாற்றப்படுகிறது. கடையநல்லூர் உபமின் நிலையத்த்திற்குட்பட்ட டவுன்-1, டவுன்-2, மில் ஆகிய பீடர்களில் மின்சப்ளை அதிகாலை 6 மணியிலிருந்து 8 மணி வரை சுழற்சி முறையில் மாற்றம் செய்யப்பட்டிருந்தது. இன்று முதல் 8-10 ஆகவும், 8-10 ஆனது 10-12 ஆகவும் சுழற்சி மாற்றம் செய்யப்பட்டுள்ளது. புளியங்குடி உபமின் நிலையத்திற்குட்பட்ட பகுதிகளில் உள்ள டவுன் பீடரில் மின்தடை சுழற்சி நேரம் 8-10 ஆகவும், சொக்கம்பட்டியில் 10-12 ஆகவும் மாற்றியமைக்கப்பட்டுள்ளது.


இதேபோன்று வீரசிகாமணி உபமின் நிலையம், நாரணபுரம் உபமின் நிலையம், விஸ்வநாதபேரி உபமின் நிலையங்களிலிருந்து மேற்கொள்ளப்பட்டு வந்த மின்தடை சுழற்சி நேரம் 6-8ல் இருந்து 8-10 ஆகவும், 10-12ல் இருந்து 12-2 ஆகவும், 2-4ல் இருந்து 4-6 ஆகவும் மாற்றியமைக்கப்பட்டுள்ளது. இந்த மின்தடை சுழற்சி முறைக்கு பொதுமக்கள் ஒத்துழைப்பு தரும்படி மின்வாரியம் மூலம் கேட்டுக் கொள்ளப்படுகிறது. இவ்வாறு அவர் தெரிவித்துள்ளார்